केडीएमसी अग्निशमन दलाच्या वतीने सुरक्षा सायकल रॅली, रक्तदान शिबिराचे आयोजन

                ब्लॅक अँड व्हाईट कल्याण वार्ताहर 

कल्याण डोंबिवली महानगरपालिका अग्निशमन दलाच्या वतीने शनिवारी ११ एप्रिल रोजी रक्तदान शिबिराचे तर रविवारी १२ एप्रिल रोजी अग्निशमन सुरक्षा सायकल रॅलीचे आयोजन करण्यात आले आहे.

       शनिवारी ११ एप्रिल रोजी कल्याण मधील आधारवाडी फायर स्टेशन येथे कल्याण डोंबिवली महानगरपालिका, अग्निशमन विभागाने रक्तदान शिबीर आयोजित केले असून कल्याणकर नागरिकांनी या रक्तदान शिबिरात सहभागी होऊन रक्तदान करण्याचे आवाहन करण्यात आले आहे. तर रविवारी सुरक्षित शाळा, सुरक्षित रुग्णालय आणि अग्निसुरक्षा विषयी जनजागृती करण्यासाठी सुरक्षा सायकल रॅलीचे आयोजन करण्यात आले आहे.

आधारवाडी फायर स्टेशन येथून या सायकल रॅलीला सकाळी ७ वाजता सुरुवात होऊन  हि सायकल रॅली दुर्गाडी चौक, सहजानंद चौक, संतोषी माता रोड, इंदिरा नगर, चिकणघर संदीप हॉटेल, गोदरेज हिल रोड, मोहन पार्क, महाराज अग्रसेन चौक, गणपती चौक गांधारी येथे सायकल रॅलीची सांगता होणार आहे. या सायकल रॅलीत देखील नागरिकांनी मोठ्या संख्येने सहभागी होण्याचे आवाहन केडीएमसीचे मुख्य अग्निशमन अधिकारी नामदेव चोधरी यांनी केले आहे.