जीएसटी इन्स्पेक्टर असल्याचे सांगत थाटला स्पर्धा परीक्षांच्या क्लासचे दुकान

 

यूपीएससी, एमपीएससी परीक्षा क्लासेसच्या नावाखाली विद्यार्थ्यांची फसवणूक

विद्यार्थ्यांची फसवणूक करणाऱ्या बोगस जीएसटी इस्न्पेक्टरला मनसेने दिला चोप.  

अखेर तोतया इन्स्पेक्टर पोलीसांच्या ताब्यात

                    ब्लॅक अँड व्हाईट कल्याण वार्ताहर 

कल्याणमध्ये जीएसटी इन्स्पेक्टर असल्याचे सांगत स्पर्धा परीक्षांचे क्लास चालवणाऱ्या बोगस जीएसटी इन्स्पेक्टरला चोप देत त्याचा भांडाफोड महाराष्ट्र नवनिर्माण विद्यार्थी सेनेने केला आहे. विद्यार्थांची अवाजवी फी घेऊन फसवणूक केल्या प्रकरणी पोलीसांनी या ठगाला त्याब्यात घेतले आहे.
कल्याण रेल्वे स्टेशन समोर सिद्धार्थ लॉजिक नावाने यूपीएससी एमपीएससी बँकिंग रेल्वे आणि इतर स्पर्धा परीक्षांचे क्लास सिद्धार्थ सिंग चंडेल याने सुरू केले. आतापर्यंत आपण 700 विद्यार्थ्यांना सरकारी नोकरीत लावले असल्याचे सांगत विद्यार्थ्यांचे प्रवेश करून घेतले.  मात्र या विद्यार्थ्यांना योग्य प्रकारे न शिकवता विद्यार्थ्यांकडून वारेमाप फी आकारून योग्य शिकवणी न देता विद्यार्थ्यांना दमदाटी करण्याचा प्रकार सिद्धार्थ चांडेल हा करत होता.

याची तक्रार या विद्यार्थ्यांनी महाराष्ट्र नवनिर्माण विद्यार्थी सेनेचे शहर अध्यक्ष विनोद केणे यांच्याकडे केली असता,  मनविसेचे जिल्हाध्यक्ष परेश चौधरी,शहर अध्यक्ष विनोद केणे आणि इतर पदाधिकाऱ्यांनी या क्लास मध्ये जाऊन त्याच्याकडे त्याच्या जीएसटी इन्स्पेक्टर पदाबाबत विचारणा केली असता, त्याची बोबडी वळाली.  सरकारी अधिकारी असतांना आपण क्लास कसे घेऊ शकता असा सवाल मनसेच्या कार्यकर्त्यांनी उपस्थित केला. या प्रश्नाचे समाधानकारक उत्तर न दिल्याने   यावेळी संतप्त झालेल्या मनसेच्या पदाधिकाऱ्यांनी सिद्धार्थ सिंग चांडेल याला मनसे स्टाईल चोप देत धडा शिकवला. तसेच विद्यार्थ्यांची घेतलेली फी परत करण्याची मागणी केली.
सिद्धार्थ सिंग चंडेल याने विद्यार्थ्यांकडून सर्व विषयांची वेगवेगळ्या प्रकारे फी घेत असल्याचे समोर आले. कोणाकडून 15 हजार  कोणाकडून 20 हजार तर कोणाकडून 50 हजार अशी वेगवेगळी फी जशी मिळेल तशी वसूल केली. एवढी फी घेऊन देखील शिक्षण मात्र शून्य. विद्यार्थ्यांना शिकवण्यासाठी वेळोवेळी शिक्षक बदलत होता. हे शिक्षक केवळ स्पर्धा परीक्षांची प्राथमिक माहिती या विद्यार्थ्यांना देत होते. वारंवार बदली होणारे शिक्षक यामुळे योग्य शिक्षण मिळत नसल्याने याची तक्रार विद्यार्थ्यांनी सिद्धार्थ याच्याकडे केली असता, मी जे शिक्षक देईल तेच तुम्हाला शिकवतील असे उडवाउडवीची उत्तरे देत होता. तसेच काही विद्यार्थ्यांनी भरलेली फी परत मागितली असता विद्यार्थ्यांना धमकावत तुम्हाला काय करायचे आहे ते करा फी परत मिळणार नाही अशी दमदाटी केली.
हा घडलेला प्रकार विद्यार्थ्यांनी मनविसेचे शहरअध्यक्ष विनोद केणे यांना सांगितला असता, केणे यांनी आपल्या पदाधिकाऱ्यांसह सिद्धार्थ लॉजिक या क्लास मध्ये जात याबाबत सिद्धार्थ सिंग चंडेल याला जांब विचारला. मनसेने विचारलेल्या प्रश्नांची उत्तरे ण देऊ शकल्याने संतप्त मनसे पदाधिकाऱ्यांनी सिद्धार्थ याला चांगलाच चोप देत पोलिसांच्या हवाली केले.     
दरम्यान विद्यार्थ्यांच्या पालकांनी देखील संतप्त होऊन आमचे पैसेही गेले आणि विद्यार्थ्यांचं वर्ष ही वाया गेलं आता आमचं काय असा सवाल उपस्थित केला असून विद्यार्थ्यांनी अशा फसव्या क्लास पासून सावध राहण्याचे आवाहन देखील त्यांनी केले आहे.