गोकुळ झा याला मानपाडा पोलीसांनी घेतले पुन्हा ताब्यात

 

न्यायालयाने सुनावली होती 14 दिवसांची न्यायालयीन कोठडी  

पोलिसांशी हुज्जत घालत सरकारी कामात अडथळा निर्माण केल्याप्रकरणी         गुन्हा दाखल 

               ब्लॅक अँड व्हाईट कल्याण वार्ताहर 

मराठी तरुणीला मारहाण केल्याप्रकरणी अटकेत असलेला गोकुळ झा याला आज कल्याण न्यायालयात हजर केले असता न्यायालयाने त्याला 14 दिवसांची पोलीस कोठडी सुनावली होती.  तर यावेळी मानपाडा पोलिसांनी गोकुळ झा विरोधात या आधी दाखल झालेल्या गुन्ह्यात ताबा घेतला. दरम्यान गोकुळ झा याला मानपाडा पोलिस न्यायालयात हजर करत असताना गोकुळ याने पोलिसांशी हुज्जत घातली, या प्रकरणी मानपाडा पोलीस ठाण्यात सरकारी कामात अडथळा निर्माण केल्याप्रकरणी गोकुळ झा विरोधात गुन्हा दाखल करण्यात आल्याची माहिती पोलीस उपायुक्त अतुल झेंडे यांनी दिली.

परत तुम्हाला भेटतो. गोकुळ झा चा माज तर पाहा, न्यायालयात धिंगाणा, पोलिसांवर अरेरावीनंतर आता पत्रकारांना दिली धमकी
कल्याणमधील एका रुग्णालयात स्वागतिका असलेल्या मराठी तरुणाला गोकुळ झा याने बेदम मारहाण केली होती. पोलिसांनी त्याला अटक केली. त्याला आज कोर्टात हजर केला असता, 14 दिवसांची न्यायालयीन कोठडी सुनावण्यात आली.
पण त्याचा माज कायम आहे. त्याने अटकेनंतर पोलिसांवर अरेरावी केली. कोर्टात गोंधळ घातला आणि आता तर पत्रकारांनाच त्याने धमकी दिली. तुम्हाला बाहेर आल्यावर पाहतो, अशी धमकी त्याने दिली. त्यामुळे त्याचा पोलिसी पाहुणचार संपला नाही का? असा संतप्त सवाल मराठी प्रेमी विचारत आहेत. त्याला कुणाचे इतके पाठबळ आहे की तो पोलीस, न्यायपालिकेला सुद्धा जुमानत नाही, असा सवाल करण्यात येत आहे.

मराठी तरुणीला मारहाण प्रकरणात गोकुळ झा याला आज कल्याण न्यायालयात हजर करण्यात आले. आरोपी गोकुळ झा हा दोन दिवसा पोलिस कोठडीत होता. दरम्यान त्याला आज कोर्टात हजर करण्यात आले. तेव्हा पोलिसांसमोरच पत्रकारांना आरोपी गोकुळ झा कडून धमकी देण्यात आली. परत तुम्हांला भेटतो, अशी धमकी त्याने दिली. यापूर्वी त्याने पोलिसांवर अरेरावी केली होती. तर न्यायालयातही त्याने गोंधळ केला होता.
14 दिवसांची न्यायालयीन कोठडी
कल्याण कोळसेवाडी तरुणी मारहाण प्रकरणात आरोपी गोकुळ झा आणि रणजीत झा या दोघांना 14 दिवसांची न्यायालयीन कोठडी सुनावली. कल्याण सत्र न्यायालयात प्रकरणात सुनावणी झाली. दोन दिवसाच्या पोलिस कोठडीत मुख्य आरोपी मानपाडा मध्ये याआधी दाखल असलेल्या जीवघेणा हल्ला प्रकरणी दाखल असलेल्या गुन्ह्यात तो फरार असल्याची माहिती समोर आली आहे. पोलिसांच्या मागणीनंतर कल्याण न्यायालयाने दुसऱ्या गुन्ह्यात पोलिसांना आरोपीचा ताबा घेण्याची परवानगी दिली.
आरोपीला सात दिवसांची कोठडी देण्याची विनंती करण्यात आली होती. तर प्रकरणात दुसरा कोणताच वेगळा तपास करायचा नसल्याने गुन्ह्यात त्याला पोलीस कोठडी न देण्याचा युक्तीवाद करण्यात आला. सुनावणीअंती आरोपींना न्यायालयीन कोठडी सुनावण्यात आली. तर आरोपीचा भाऊ रणजीत झा याचा न्यायालयात जामीन अर्ज दाखल केला असून थोड्या वेळातच त्या अर्जावरती सुनावणी होणार आहे.
दुसरीकडे फिर्यादीचे वकील हरीश नायर यांनी पोलिसांवरती राजकीय दबाव असल्यामुळे तपास होत नसल्याचे खंत व्यक्त करत आरोपी सुटला तर मुलीच्या आणि त्यांच्या बहिणीच्या जीवाला धोका असल्याचे सांगितले. तसेच दुसऱ्या गुन्ह्यात हा आरोपी फरार असून न्यायालयाने ताब्यात घेण्याची परवानगी दिली असून आरोपीला कठोर कारवाई करण्यात यावी अशी विनंती केली.

पोलिसांच्या तपासात गोकुळने १६ मे २०२५ रोजी मध्यरात्री अडीचच्या सुमारास दरम्यान आडिवली-ढोकळीतील पिंट्या डेव्हिड (४०) या इमारतीच्या वॉचमनवर धारदार हत्याराने हल्ला केला असल्याचे तपासात पुढे आले. पिंट्या डेव्हिड याने दिलेल्या फिर्यादीनुसार आडिवली-ढोकळीतील तिरूपती भवन सोसायटीत आपण पाणी सोडण्याचे काम करत असतो. याच इमारतीच्या तळमजल्यावर असलेल्या जागेत रात्री झोपत असतो. १६ मे रोजी मध्यरात्री वॉचमन पिंट्या डेव्हिड लघुशंकेसाठी उठला. त्यावेळी त्याला रस्त्यावर दोन दुचाकीवर चौघे बसल्याचे दिसले. त्यातील गोकुळ झा याने वॉचमन पिंट्या याला हाक मारली. जवळ गेलो असता या एरीयाचा भाई कोण ? असा सवाल केला. पिंट्याने मला माहिती नाही असे उत्तर दिले. त्यावेळी संतापलेल्या गोकुळ झाने मी या परिसराचा भाई असताना तु मला माहिती नाही असे उत्तर कसे देतो, असा सवाल करत गोकुळने वॉचमन पिंट्या याच्याशी वाद घालून त्याल मारहाण केली.
गोकुळच्या तावडीतून सुटका करवून वॉचमन पिंट्या डेव्हिडने तेथून पळ काढला. मात्र गोकुळने पिंट्याचा पाठलाग करत सोबत आणलेल्या धारदार हत्याराने त्याच्या पाठीवर वार केले. त्यानंतर गोकुळ आणि त्याचे साथीदार पळून गेले. ही माहिती वॉचमन पिंट्याने सोसायटीच्या पदाधिकाऱ्यांसह त्याच्या भावाला दिली. मध्यरात्री मानपाडा पोलिस ठाणे गाठले आणि डोंबिवलीच्या शास्त्रीनगर रूग्णालयात उपचार केल्यानंतर वॉचमन पिंट्या डेव्हिडने हल्लेखोर गोकुळ झा याच्या विरोधात फिर्याद दाखल केली. पोलिसांनी भारतीय न्याय संहितेअन्वये गोकुळच्या विरोधात गुन्हा दाखल केला होता.