जिल्हा परिषदेत राजश्री छत्रपती शाहू महाराज जयंती महोत्सव साजरा

जिल्हा परिषदेत डॉ. गंगाधर परगे यांच्या हस्ते प्रतिमेस पुष्पहार अर्पण

ब्लॅक अँड व्हाईट ठाणे वार्ताहर 

 समाजसुधारक, सामाजिक न्यायाचा मूलभूत पाया रचणारे आणि बहुजन समाजाला शिक्षण, आरोग्य व हक्काचा वाटा मिळवून देणारे राजश्री छत्रपती शाहू महाराज यांच्या जयंतीनिमित्ताने आज, दि. २६ जून, २०२५ रोजी जिल्हा परिषद, ठाणे अंतर्गत समाज कल्याण विभाग व आरोग्य विभागाच्या संयुक्त विद्यमाने उत्साहात कार्यक्रम पार पडला.

         कार्यक्रमाची सुरुवात जिल्हा आरोग्य अधिकारी डॉ. गंगाधर परगे यांच्या हस्ते शाहू महाराज यांच्या प्रतिमेस पुष्पहार अर्पण करण्यात आले. कार्यक्रमास समाज कल्याण विभाग व आरोग्य विभागाचे सर्व कर्मचारी उपस्थित होते.

      शाहू महाराजांनी दिलेल्या शिक्षण, समानता, आरोग्यसेवा व सामाजिक समतेच्या विचारांचा पुरस्कार करत उपस्थितांनी त्यांचे विचार कृतीत उतरवण्याचा संकल्प घेतला. राजश्री शाहू महाराजांचा आदर्श आजही प्रत्येक प्रशासन व सेवकासाठी प्रेरणादायी आहे, असा सूर सर्व स्तरांतून व्यक्त करण्यात आला.