कल्याण - मुरबाड मार्गावरील शहाड उड्डाणपुलाला भलामोठा खड्डा अवजड वाहनांच्या वाहतुकीला बंदी

 कल्याण - मुरबाड मार्गावरीलशहाड उड्डाणपुलाला भलामोठा खड्डा

अवजड वाहनांच्या वाहतुकीला

 बंदी

                 ब्लॅक अँड व्हाईट कल्याण वार्ताहर 

कल्याण - मुरबाड या मार्गावरील खड्ड्यांमुळे जीव नकोसा झालेला असताना आता शहाड उड्डाणपुलावर भला मोठा खड्डा पडल्याची घटना घडली आहे. परिणामी या मार्गावरील अवजड वाहनांची वाहतूक बंद करण्यात आली असून पुलाच्या डागडुजीचे काम सुरू झाले आहे.

कल्याणहून मुरबाड- नगरकडे जाण्यासाठी असलेल्या मार्गावरील शहाड उड्डाणपूल हा महत्त्वाचा दुवा आहे. येथील रेल्वे लाईनवर हा पूल बांधण्यात आला असून दरवर्षी पावसाळ्यात या पुलावरील रस्त्याची अक्षरशः चाळण होते. यंदाही तेच चित्र दिसत असून त्यात आता थेट पुलालाच भगदाड पडल्याने या उड्डाणपुलाच्या सुरक्षिततेबाबत प्रश्नचिन्ह निर्माण झाले आहे. तर या पुलाच्या स्लॅबलाही खालून तडे गेल्याचे फोटोमध्ये दिसून येत आहे.

आज सकाळच्या सुमारास हा प्रकार समोर आला असून खबरदारीचा उपाय म्हणून तातडीने या पुलावरील अवजड वाहनांची वाहतूक बंद करत कल्याणहून जाणारी वाहतूक गोवेली - टिटवाळा - कल्याण आणि रायते - दहागाव बदलापूरमार्गे वळवण्याची सूचना राष्ट्रीय महामार्गाचे ठाणे उपविभागाचे उपअभियंत्यांनी केली आहे. परिणामी पुढील आणखी काही दिवस खड्ड्यांसोबतच वाहतूक कोंडीचाही त्रास नागरिकांना सहन करावा लागणार आहे.तर याबाबत कार्यकारी अभियंता ज्योती शिंदे यांच्याशी संपर्क साधला असता हेवीवेट  क्राँक्रिटने पुलाला भगदाड पडलेले  बुजविण्याचे काम तत्काळ सुरू केले असून शहाड पूल दुरूस्ती अंतर्गत कामाची निविदा काढली असल्याचे संपर्क साधला असता सांगितले.