रेकॉर्डवरील गुन्हेगाराला एक वर्षासाठी केले स्थानबद्ध

                     ब्लॅक अँड व्हाईट कल्याण वार्ताहर 

कोळसेवाडी पोलीस स्टेशनमधील रेकाॅर्डवरील गुन्हेगार अरबाज हबीब शेख, वय 23, राह.खडेगोलवली,  कल्याण पुर्व, जिल्हा ठाणे याच्या  विरुध्द महाराष्ट्राचा झोपडपट्टी गुंड, हातभट्टीवाले, औषधीद्रव्यविषयक गुन्हेगार, धोकादायक व्यक्ती व दृकश्राव्य कलाकृतीचे विनापरवाना प्रदर्षन करणाऱ्या व्यक्ती (व्हिडीओ पायरेटस्) वाळु तस्कर व अत्यावश्यक वस्तुंचा काळाबाजार करणारी व्यक्ती यांच्या विघातक कृत्यांना आळा घालणेबाबतचा अधिनियम 1981(सुधारणा 1996)(सुधारणा 2009)(सुधारणा 2015) भारतीय घटनेचे कलम 22(5) या सह सदर कायदयाचे कलम 3 चे पोटकलम (2)अन्वये धोकादायक व्यक्ती म्हणुन कोळसेवाडी पोलीस ठाणे कडुन पोलीस  आयुक्तांना अहवाल सादर करण्यात आला होता. 

याबाबत पोलीस आयुक्तांनी त्यांच्या कार्यालयीन आदेश क्रमांक/टीसी/पीडी/एमपीडीए/13/2025 दिनांक 22/08/2025 अन्वये एक (1) वर्ष कालावधी करीता स्थानबध्द करण्याबाबतचा आदेश पारीत केला आहे.

त्यानुसार अरबाज हबीब शेख यास ताब्यात घेवुन शनिवारी या  आदेशाची बजावणी करून त्याची वैद्यकीय तपासणी करून त्यास 1 अधिकारी व 3 अमलदार यांना मध्यवर्ती कारागृह, नाशिक येथे पोलीस पार्टीसह रवाना केलेले होते. त्यास शनिवारी  नाशिक जेल येथे जमा करण्यात आलेले आहे.