कल्याण पूर्वेत डम्पिंग ग्राउंडच्या विरोधात नागरिक रस्त्यावर

 

                 ब्लॅक अँड व्हाईट कल्याण वार्ताहर 

कल्याण पूर्वेतील १०० फुटी रोड, वसंत वाटीका जवळील पालिकेच्या भूखंडावरील निर्माणाधिन डंपिंग ग्राऊंडच्या विरोधात स्थानिक रहिवाशी आज रस्त्यावर उतरले.

 कल्याण पूर्वेतील १०० फुट रोड, शिवरल चौक येथे कल्याण डोंबिवली महानगरपालिका मलनिसारण आरक्षण क्र ३३० येथे होत असलेल्या कचरा एकत्रीकरण, प्रेसिंग कचरा वाहतूक व कचरा गाडयांचे वाहन स्थळ प्रकल्पास स्थानिक रहिवाश्यांचा विरोध असून या प्रकल्पा विरोधात रहिवासी आक्रमक झाले आहेत. हा प्रकल्प मानवी वस्ती पासून दूर स्थलांतर कराण्याची मागणी या नागरिकांनी केली आहे. या प्रकल्पाला विरोध करण्यासाठी नागरिकांनी रस्त्यावर उतरून या प्रकल्पा विरोधात निदर्शने केली.

याबाबत आम आदमी पार्टीचे जिल्हाध्यक्ष धनंजय जोगदंड यांनी प्रसिद्धी माध्यमांना प्रतिक्रिया दिली की, मनपाने कल्याण पूर्वेतील  आरक्षण क्रं 330या आरक्षणानुसार मलनिस्सारण, पाणी पुरवठा, उघान या ऐवजी आरक्षणात बद्दल करुन घनकचरा प्रकल्प उभारण्याचा घाट घातला आहे. मनपाने हरकती सूचना घेतल्या होत्या का बेकायदेशीर पणे होत असलेल्या घनकचरा प्रकल्पाला विरोध असून, नागरी आरोग्याच्या दुष्टीकोनातून या परिसरात हा प्रकल्प होणार नाही. विकासला आमचा विरोध नसल्याचे त्यांनी सांगितले.