उल्हासनगरची पायल बसुदे हीची 2026 फुटबॉल स्पर्धेत भारतीय संघा तर्फे टॉपर गोलकीपर म्हणुन निवड

उल्हासनगरची कन्या पायल बसुदे हीची एएफसी वुमेन्स एशियन कप 2026  फुटबॉल स्पर्धेत भारतीय संघा तर्फे टॉपर गोलकीपर म्हणुन निवड..

                 ब्लॅक अँड व्हाईट उल्हासनगर प्रतिनिधी 

पायल रमेश बसुदे महाराष्ट्रातील ठाणे जिल्ह्यातील उल्हासनगर येथे रहिवासित एक भारतीय व्यावसायिक फुटबॉलपटू आहे, जी भारतीय महिला लीग क्लब गोकुलम केरळ फुटबॉल क्लब, जश युनाइटेड क्लब आणि भारताच्या राष्ट्रीय फुटबॉल संघासाठी गोलरक्षक म्हणून खेळते.तिने वरिष्ठ महिला राष्ट्रीय फुटबॉल स्पर्धेतही महाराष्ट्राचे प्रतिनिधित्व केले आहे.

याआधी पिफ़ा स्पोर्ट्स, ओडिशा एफसी, किंग स्टार स्पोर्ट्स अकादमी आणि फ्युचर स्टार फुटबॉल क्लबसाठी खेळली होती. तिने 27 मार्च ते 9 एप्रिल 2023 या कालावधीत उत्तराखंड येथे झालेल्या 27व्या वरिष्ठ महिला राष्ट्रीय फुटबॉल चॅम्पियनशिप 2022-2023 मध्ये महाराष्ट्र संघाचे नेतृत्व केले.पायल बसुदेने 2024 एसएएफएफ महिला चॅम्पियनशिपमध्ये नेपाळविरुद्धच्या उपांत्य फेरीत भारतासाठी वरिष्ठ आंतरराष्ट्रीय पदार्पण केले

भारतीय महिला संघाचे मुख्य प्रशिक्षक क्रिस्पिन छेत्री यांनी 20 ते 26 फेब्रुवारी 2025 या कालावधीत दुबई येथे खेळल्या जाणाऱ्या पिंक लेडीज चषकापूर्वी शिबिरासाठी 32 संभाव्य खेळाडूंमध्ये तिचे नाव दिले होते.

पायल बसुदे ही अंतरराष्ट्रीय फुटबॉल स्पर्धेत भारतीय संघा तर्फे गोलकीपर म्हणुन निवडली गेली आहे, कोरिया प्रजासत्ताक, रशिया, थायलंड, उझबेकिस्तान, जॉर्डन आणि भारत हे वरिष्ठ आंतरराष्ट्रीय मैत्री स्पर्धेत भाग घेत आहेत.

उल्हासनगर ची कन्या पायल बसुदे हीची एएफसी वुमेन्स एशियन कप 2026  फुटबॉल स्पर्धेत भारतीय संघा तर्फे टॉपर गोलकीपर म्हणुन निवड झाली आहे, उल्हासनगर वासियांसाठी अत्यंत गौरवशाली क्षण आहे.