बोधगयातील महाबोधी महाविहार मुक्ती उपोषणाला कल्याणहुन पाठिंबा..

 

                  ब्लॅक अँड व्हाईट कल्याण वार्ताहर 

देशभरातील लाखो बौद्ध भिक्षू आणि अनुयायांच्या सहभागाने 12 फेब्रुवारी रोजी बोधगयामध्ये महाबोधी महाविहार मुक्ती उपोषणाला सुरुवात झाली. महाबोधी महाविहार मंदिराचे व्यवस्थापन संपूर्ण बौद्ध समुदायाच्या ताब्यात द्यावे आणि 1949 चा बोधगया मंदिर कायदा रद्द करावा, अशी त्यांची मागणी आहे. कल्याण शहरातून देशभरात सुरू असलेल्या या आंदोलनाला पाठबळ देत कल्याण रेल्वे स्थानकाजवळील विश्वरत्न डॉ. बाबासाहेब आंबेडकर उद्यानात आदरणीय भदंत  गौतम रत्न महाथेरो जी यांच्या नेतृत्वाखाली सात दिवसीय साखली उपोषण सुरु आहे, आंदोलनाला महिला आणि नागरिकांचा उत्स्फूर्त पाठिंबा मिळत आहे. बुद्धभूमी फाऊंडेशन आणि समर्थनार्थ डझनभर संघटना राबवत असलेल्या या चळवळीचा कल्याणमध्ये 8 मार्च रोजी आक्रोश मोर्चासह समारोप होईल.