"प्रत्येकाने महारांजांच्या गुणांपैकी एक तरी गुण अंगिकारला पाहिजे. हीच महाराजांना खरी श्रद्धांजली ठरेल" / एकनाथ शिंदे

 

आपले सरकार छत्रपती शिवाजी महाराजांच्या विचारावर चालणारे सरकार आहे. विकासाला पुढे नेणारे, लोकाभिमुख योजना राबवणारे हे सरकार असल्याचेही शिंदे यावेळी म्हणाले. औरंगजेब महाराष्ट्राचा घास घ्यायला आला होता.औरंगजेबाने संभाजी महाराजांप्रती क्रुरता दाखवली. त्याचे समर्थन करणारे देशद्रोहीच आहेत असे यावेळी शिंदे म्हणाले. प्रत्येकाने महारांजांच्या गुणांपैकी एक तरी गुण अंगिकारला पाहिजे. हीच महाराजांना खरी श्रद्धांजली ठरेल, असेही यावेळी एकनाथ शिंदे म्हणाले.

              ब्लॅक अँड व्हाईट डोंबिवली वार्ताहर 

डोंबिवलीचे प्रवेशद्वार म्हणून ओळखल्या जाणाऱ्या घर्डा सर्कल येथे खासदार डॉ. श्रीकांत शिंदे यांच्या संकल्पनेतून हिंदवी स्वराज्य संस्थापक छत्रपती शिवाजी महाराजांचा अश्वारूढ पुतळा उभारण्यात आला आहे.या पुतळ्याचा अनावरण सोहळा सोमवारी रात्री हजारो शिवभक्तांच्या साक्षीने मोठ्या उत्साहात पार पडला. राज्याचे उपमुख्यमंत्री एकनाथ शिंदे यांच्या हस्ते या भव्य आणि सुंदर अशा शिल्पाचे अनावरण करण्यात आले.सांस्कृतिक नगरी म्हणून ओळख असलेल्या डोंबिवलीतील घर्डा सर्कल यापुढे छत्रपती शिवाजी महाराज चौक या नावाने ओळखला जाणार असल्याची घोषणा उपमुख्यमंत्री एकनाथ शिंदे यांनी यावेळी बोलताना केली.

याप्रसंगी हजारो डोंबिवलीकरांनी याची देही याची डोळा हा सोहळा अनुभवला. या सोहळ्यासाठी दुपारपासूनच अबाल वृद्धांनी घरडा चौकात गर्दी केली होती. यावेळी हा चौक यापुढे घरडा सर्कल नाही तर छत्रपती शिवाजी महाराज चौक या नावाने ओळखला जाईल, असे यावेळी एकनाथ शिंदे यांनी घोषित केले.

यावेळी बोलताना एकनाथ शिंदे यांनी छत्रपती शिवाजी महाराजांच्या कार्यकर्तृत्वाचा गौरव केला. अखंड हिंदुस्थानचा अभिमान म्हणजे शिवछत्रपती, हिंदुत्वाचा हुंकार म्हणजे शिवछत्रपती. लोकशाहीचा अविष्कार म्हणजे शिवछत्रपती, शिवछत्रपती म्हणजे पराक्रम, शिवछत्रपती म्हणजे धैर्य, शिवछत्रपती म्हणजे शौर्य, शिवछत्रपती म्हणजे त्याग, शिवछत्रपती म्हणजे समर्पण, शिवछत्रपती म्हणजे दृरदृष्टी, शिवछत्रपती म्हणजे निती, शिवछत्रपती म्हणजे युगपुरूष, शिवछत्रपती म्हणजे प्रवर्तक, शिवछत्रपती म्हणजे रयतेचा राजा अशा शब्दात शिंदे यांनी महाराजांची थोरवी गायली.

आपले सरकार छत्रपती शिवाजी महाराजांच्या विचारावर चालणारे सरकार आहे. विकासाला पुढे नेणारे, लोकाभिमुख योजना राबवणारे हे सरकार असल्याचेही शिंदे यावेळी म्हणाले. औरंगजेब महाराष्ट्राचा घास घ्यायला आला होता.औरंगजेबाने संभाजी महाराजांप्रती क्रुरता दाखवली. त्याचे समर्थन करणारे देशद्रोहीच आहेत असे यावेळी शिंदे म्हणाले. प्रत्येकाने महारांजांच्या गुणांपैकी एक तरी गुण अंगिकारला पाहिजे. हीच महाराजांना खरी श्रद्धांजली ठरेल, असेही यावेळी एकनाथ शिंदे म्हणाले.

डोंबिवलीचे प्रवेशद्वार म्हणून ओळखल्या जाणाऱ्या घर्डा सर्कल येथे खासदार डॉ. श्रीकांत शिंदे यांच्या संकल्पनेतून हिंदवी स्वराज्य संस्थापक छत्रपती शिवाजी महाराजांचा अश्वारूढ पुतळा उभारण्यात आला आहे.या पुतळ्याचा अनावरण सोहळा सोमवारी रात्री हजारो शिवभक्तांच्या साक्षीने मोठ्या उत्साहात पार पडला. राज्याचे उपमुख्यमंत्री एकनाथ शिंदे यांच्या हस्ते या भव्य आणि सुंदर अशा शिल्पाचे अनावरण करण्यात आले.सांस्कृतिक नगरी म्हणून ओळख असलेल्या डोंबिवलीतील घर्डा सर्कल यापुढे छत्रपती शिवाजी महाराज चौक या नावाने ओळखला जाणार असल्याची घोषणा उपमुख्यमंत्री एकनाथ शिंदे यांनी यावेळी बोलताना केली.या सोहळ्याला भाजपाचे प्रदेश कार्याध्यक्ष तथा डोंबिवलीचे आमदार रविंद्र चव्हाण हे मुंबईतील भाजपाच्या बैठकीला उपस्थित राहणार असल्याचे कारण देत अनुपस्थित होते. या चौकाचे छत्रपती शिवाजी महाराज चौक असे नामकरण करण्यात यावे, याकडे आमदार चव्हाण यांनी कल्याण-डोंबिवली महानगरपालिकेच्या आयुक्त डॉ. इंदूराणी जाखड यांचे पत्राद्वारे लक्ष वेधले होते. आमदार चव्हाण यांच्या मागणीची पूर्तता सोमवारी शिवजयंतीच्या निमित्ताने आयोजित केलेल्या छत्रपती शिवरायांच्या अश्वारुढ पुतळ्याच्या अनावरण प्रसंगी राज्याचे उपमुख्यमंत्री एकनाथ शिंदे यांनी केली. या चौकाला छत्रपती शिवाजी महाराज चौक या नावाने नवी ओळख दिल्याचे उपमुख्यमंत्री शिंदे यांनी जाहीर केले.

यावेळी खासदार डॉ. श्रीकांत शिंदे यांनी छत्रपती शिवाजी महाराजांवर एक काव्य सादर करत त्यांच्या पराक्रमाची थोरवी गायली. यावेळी हिंदुराष्ट्र सेनाप्रमुख धनंजयभाई देसाई, समाजप्रबोधनकार ह.भ.प. संग्रामबापू भंडारे महाराज, जगन्नाथ पाटील, आमदार राजेश मोरे, गोपाळ लांडगे, महापालिका आयुक्त इंदुराणी जाखड यांच्यासह हजारो डोंबिवलीकर, शिवभक्त, शिवसेनेने पदाधिकारी, कार्यकर्ते मोठ्या संख्येने उपस्थित होते