कल्याण पूर्वेतील गोरक्षनाथ मंदिराच्या प्रांगणात अखंड हरिनाम सप्ताह आणि नवनाथ ग्रंथ पारायण

  

                   ब्लॅक अँड व्हाईट कल्याण वार्ताहर 

कल्याण पूर्वेतील आमदार सौ सुलभाताई गणपत गायकवाड यांच्या निवासस्थानाच्या  प्रांगणातअसलेले असलेले श्री गोरखनाथ मंदिरात  गोरक्षनाथ माऊली भजनी मंडळ अखंड हरिनाम सप्ताह व नवनाथ ग्रंथ पारायण हा धार्मिक कार्यक्रम आयोजित केला होता.3 फेब्रुवारी ते 6 फेब्रुवारी पर्यंत चार दिवस चालणारा हा सप्ताह आणि माघ महिन्याचा महागणपती उत्सव हा दुग्ध शर्करा योग  जुळून आला.सकाळी आठ वाजेपासून रात्री नऊ वाजेपर्यंत अनेक सुप्रसिद्ध ह भ प महाराज यांनी आपली सेवा प्रदान केली.

  6 फेब्रुवारीला सकाळी नऊ ते अकरा वाजेपर्यंत ह भ प श्री संदीप महाराज डुंबरे (राजुरी-जुन्नर ) यांचे काल्याचे सुश्राय किर्तन होणार असून नंतर महाप्रसादाचे आयोजन करण्यात येणार आहे. तरी सर्व भाविकांनी महाप्रसादाचा लाभ घ्यावा असे आव्हान आयोजकांकडून करण्यात आलेले आहे.