कल्याण परिमंडळ-3 मध्ये नशेखोरांविरोधात कारवाई सुरूच

पोलिसांच्या कारवाई मुळे शहरात सुरक्षिततेचे वातावरण 

            ब्लॅक अँड व्हाईट कल्याण वार्ताहर 

कल्याण परिमंडळ-3 मधील विविध पोलीस स्टेशन अंतर्गत मोकळी मैदानी,निर्जनस्थळे व रोडवरील आस्थापना यांच्यावर पोलिसांतर्फे धडक कारवाई सुरू असून, गुरुवार रात्री विहित वेळेपेक्षा अधिक वेळ सुरू असलेल्या एकूण ४0 आस्थापनावर कारवाई करण्यात आली.तसेच उघड्यावर व निर्जस्थळी एकूण ८१ नशेखोरांवर कारवाई करण्यात आली आहे. अशा एकुण 121 कारवाई करण्यात आली आहे. त्याचप्रमाणे  रस्त्यावर अतिवेगाने मोटार सायकल चालवणे आणि ट्रिपल सीट वाहन चालवणे या बद्दल एकूण  101 जणांवर कारवाई करण्यात आली.

कल्याणमध्ये पोलिसांकडून करण्यात आलेल्या सदर मोहिमेबद्दल नागरिकांमध्ये समाधान व्यक्त होत आहे.ही मोहीम कायम स्वरुपी सुरू रहावी.आणि रात्रीच्या गस्त आणखी काही प्रमाणात वाढवाव्यात अशी अपेक्षा करण्यात येत आहे.

वरील प्रमाणे पोलिसांची अशीच धडक कारवाई  यापुढेही सुरूच राहणार आहे.अशी ग्वाही उपायुक्त अतुल झेंडे यांनी दिली आहे.