कल्याण पश्चिमेतील सुभाष चौकात जड वाहनांना रोखण्यासाठी बॅरिकेटिंगचे भूमिपूजन राष्ट्रवादी (श.प) विजय बोरे यांच्या हस्ते संपन्न

                         ब्लॅक अँड व्हाईट कल्याण वार्ताहर 

कल्याण पश्चिमेतील कल्याण मुरबाड रोडवरील वाहतूक कोंडीची समस्या सोडवण्यासाठी, महानगरपालिका सुभाष चौकात उंची बॅरिकेटिंगची व्यवस्था करत आहे. मंगळवारी राष्ट्रवादी (सपा) कल्याण शहर उपाध्यक्ष विजय बोरे यांच्या हस्ते भूमिपूजन करण्यात आले.

कल्याण पश्चिम येथे वाहतूक विभागाचे वरिष्ठ पोलिस निरीक्षक रामचंद्र मोहिते, सुभाष बडगुजर आणि राष्ट्रवादी युवकचे भानुदास घुगे, तुषार वैद्य इत्यादींच्या उपस्थितीत भूमिपूजन करण्यात आले.

राष्ट्रवादीचे जिल्हाध्यक्ष वंडारशेठ पाटील यांच्या मार्गदर्शनाखाली युवा नेते सुधीर पाटील, युवक जिल्हाध्यक्ष राज जोशी, स्वप्नील रोकडे, प्रशांत माळी ओम सावंत, भिवंडीचे खासदार सुरेश म्हात्रे (बाळ्यामामा) यांनी यासाठी सातत्याने प्रयत्न केले.

आयुक्त कार्यालयात खासदारांसोबत झालेल्या आढावा बैठकीत राष्ट्रवादी काँग्रेस (श.प.) नेही हा मुद्दा उपस्थित केला.

या समस्येचे निराकरण करण्यासाठी त्वरित कार्यवाही केली जाईल असे आयुक्तांना सांगण्यात आले.

आणि मंगळवारी, अवजड वाहनांना प्रतिबंध करण्यासाठी बीम आणि बॅरिकेटिंगच्या कामाची पायाभरणी, ज्यामध्ये ९० लोखंडी आणि १०० प्लास्टिक बॅरिकेडचा समावेश होता, उपस्थित मान्यवरांच्या हस्ते नारळ फोडून करण्यात आली. त्याचा कंत्राटदार सागर कन्स्ट्रक्शन आहे.