डोंबिवलीतील वनीश्री सौरभ जोशीची दोरी उडी आंतरराष्ट्रीय स्पर्धेसाठी निवड

             ब्लॅक अँड व्हाईट डोंबिवली ( शंकर जाधव ) 

नाशिक येथील मीनाताई ठाकरे स्टेडियम येथे  १३-१५ फेब्रुवारी रोजी १९ वी कनिष्ठ व वरिष्ठ आणि ४ थी अखिल भारतीय उडी दोरी स्पर्धा २०२४-२५ पार पडली. यामध्ये वेग, सहनशक्ती आणि अचूकतेचा उत्कृष्ट समन्वय पाहायला मिळाला. या स्पर्धेत वनीश्री सौरभ जोशी हिने आपली चमकदार कामगिरी सिद्ध करत २१ वी कनिष्ठ व वरिष्ठ  दोरी उडी राष्ट्रीय स्पर्धा आणि ४ थी अखिल भारतीय उडी दोरी स्पर्धा २०२४-२५ मध्ये २ रौप्यपदके (सिल्व्हर मेडल्स) पटकावली.  डोंबिवलीतील वनीश्रीने  उत्कृष्ट खेळामुळे तिला आंतरराष्ट्रीय स्तरावर भारताचे प्रतिनिधित्व करण्याची सुवर्णसंधी मिळाली.

तिच्या यशात आणखी एक मानाचा तुरा जोडत, वनीश्रीने १६ वी वरिष्ठ व बालगट  दोरी उडी  महाराष्ट्र राज्य स्पर्धा २०२४-२५ (उलवे, रायगड) येथे देखील २ रौप्यपदके  जिंकत आपले कौशल्य सिद्ध केले.वनीश्रीच्या कठोर मेहनतीचे, समर्पणाचे आणि जिद्दीचे हे फळ आहे. आता ती आंतरराष्ट्रीय स्तरावर भारताचे प्रतिनिधित्व करण्यास सज्ज झाली आहे. वनश्रीवर सर्वत्र अभिनंदनाचा वर्षाव होत आहे.